Www.Samimiyat.com | Best online original wap sayt

O‘zbekistonda ilk quyosh elektrostansiyasi ishga tushiriladi

Azizbek — Sun, 18 Aug 2013 18:56:28 GMT

$IMAGE1$Samarqand viloyatida O‘zbekistondagi birinchi quyosh elektrostansiyasi ishga tushiriladi. Uning qurilishi "O‘zbekenergo” DAK ma’lumotlariga ko‘ra, 200 million dollardan ortiq narxga baholanmoqda. Bu haqda "Turkiston-press” xabar beradi. Yangi quyosh elektrostansiyasining loyihaviy quvvati "O‘zdavenergonazorat” ma’lumoti bo‘yicha, 100 MVt bo‘lib, yiliga 200 million kVt/soat elektroenergiya ishlab chiqarish bilan baholanmoqda. Mazkur loyihaning texnik-iqtisodiy asosi ayni paytda O‘zbekistonning tegishli vazirliklari va idoralarining nazoratidan o‘tish bosqichida. Samarqand quyosh elektrostansiyasi qurilishida moliyaviy manbalar O‘zbekiston Respublikasi qurilish va taraqqiyot fondining kredit tizimidan 107 million dollarlik hamda Osiyo taraqqiyot banki kredit hisobidan 90 million dollarlik, shuningdek, "O‘zbekenergo” DAK o‘z byudjetidan 10 million dollarlik mablag‘lari hisobidan olinadi. Ma’lum qilinishicha, yangi inshoot qurilishiga bosh pudratchilik uchun shu yilning so‘ngiga qadar tender e’lon qilinadi. Pudratchiga stansiyani qurish uchun ikki yil muddat beriladi. "O‘zbekenergo” DAK ma’lumotlari bo‘yicha, O‘zbekistonning quyosh energetikasi imkoniyatlari bugungi kungacha o‘rganilgan barcha yangilanadigan energiya manbalarining 99 foizidan ortig‘ini, ya’ni 50 milliard tonna neft ekvivalentini tashkil etadi.

Сибир жазирама саҳрога айланиши мумкин

Admin — Wed, 14 Aug 2013 16:54:07 GMT

Олимлар яқин 10 йилликлар ичида Россияга экологик ҳалокат таҳдид солаётганини таъкидламоқда.

Уларга кўра, 50 йилдан сўнг Сибир саҳрога айланиши мумкин. Олимларнинг фикрича, 2020 йилга келиб Россиянинг катта қисмини эгаллаб турган абадий музликлар сезиларли даражада қисқаради. Музликларнинг эриши уйларнинг вайрон бўлишига ва йўлларнинг ювилиб кетишига олиб келади, деб ёзади "РБК daily”.

«Музликларнинг эриши иқтисодий тангликни келтириб чиқариши мумкин. Бутун инфратузилма – бинолар, иншоотлар, коммуникациялар – деформацияга учраб, аста-секин вайрон бўалди, чунки улар музлаган тупроқни ҳисобга олган ҳолда барпо этилган», - дейди МДУ география факультетининг етакчи илмий ходими Юрий Баду.

Бошқа бир олим эса Сибирда бепаён чўллар пайдо бўлишини таъкидламоқда. Буларнинг ҳаммаси Гольфстрим оқимининг тўхташи мумкинлиги билан боғлиқ.

Nokia янги қурилмаларини кузда намойиш этади

Admin — Wed, 14 Aug 2013 16:16:02 GMT

Финляндиянинг телефонлар ишлаб чиқарувчи Nokia компанияси 2013 йил охиригача планшет, "планшетофон” ва иккита SIM-картали Lumia қурилмасини тақдим этишни режалаштирмоқда.

Янги маҳсулотлар компаниянинг "йўл харитаси”га мувофиқ ҳар ойда пайдо бўлади. Сентябрь ойининг охирида Nokia янги планшетни чиқаришни режалаштирган. Ушбу қурилма Американинг AT&T оператори учун мўлжалланган. Ҳозирча планшетнинг халқаро бозорга чиқиш санаси номаълум. AT&T учун чиқариладиган Nokia планшети Windows бошқаруви остида ишлаши тахмин қилинмоқда, холос.

Ноябрь ойининг бошида эса компания истеъмолчиларни катта экранли смартфон, яъни планшет ва телефон гибриди билан хурсанд қилиш ниятида. Одатда "планшетфонлар”га экрани 5,5 дюймли ва ундан катта смартфонлар киради. Ҳозирча янги қурилма экранининг ўлчами номаълум.

Декабрь ойида иккита SIM-картали Lumia смартфонининг моделлари тақдим этилади. Nokia мобил телефонлари линияси шундай функционалликка эга кўплаб моделларни ўз ичига олган, бироқ икки "симка”ли смартфонлар ҳали тақдим этилмаган эди

Райхонда янги маъмур, хайр Пэт!

Azizbek — Sat, 13 Jul 2013 20:39:59 GMT

-Райхоннинг янги маъмури энди Шербек. Пэт номи билан шоу-бизнесда таниш Фатхуддин билан Райхон хеч қандай муросасиз дўстона хайрлашгани маълум бўлди.

Райхон: - Унинг шундоқ хам ўз ишлари етарли, менинг хамма ишларимга улгура олмаяпти, шунинг учун шу қарорга келдик. Лекин биз дўстмиз.

Райхоннинг янги маъмури бўлмиш Шербек, аввал Манзуранинг маъмури бўлганлигини эслатиб ўтамиз. Бундан ташқари Райхонни ижодида хам янгилик, "Қаердасан" деб номланган шўх тарона ёзиб тугатилди, энди эрта-индин премьера! Унга бир-икки хафта ўтиб клип суратга олина бошланади.

Хозирча қўшиқ премьерасини кутинг.

Сардор Комилов

БМТ энг семиз одамлар яшайдиган мамлакатни аниқлади

Azizbek — Sat, 13 Jul 2013 20:22:56 GMT

Мексикада семизликдан азият чекадиган одамлар бошқа ерлардан кўра кўпроқ эканлиги аниқланди.

Катта ёшдаги мексикаликларнинг салкам учдан бир қисми ёҳуд 32,8 фоизи семизликдан азият чекадилар. Бу аҳолиси зич жойлашган АҚШдан ҳам кўпроқ, бу ерда ҳудди шу кўрсаткич 31,8 фоизни ташкил қилади. Учинчи ўриндан 31,6 фоиз билан Сирия жой олди.

БМТ ушбу ҳисоботида 2008 йилнинг маълумотларини ишлатган. Кейинроқ чоп этилган статистикага кўра Мексикада семизликдан азият чекадиганлар сони бироз тушган ва 30 фоизни ташкил қилган.

Мексика хукуматининг расмий маълумотларига қараганда, бу ерда аҳолининг 70 фоизи ортиқча вазнга эга. Бунда семиз болалар сони сўнгги ўн йилликда 8 фоизга ўсган.

Мексика хукумати семиришга қарши кампания бошлаган, унга кўра Бутужаҳон соғлиқни сақлаш ташкилотининг баҳолашича ўн йил давомида 15 миллиард доллар талаб қилинади.

Google Рамазон учун махсус саҳифани ишга туширди

Azizbek — Sat, 13 Jul 2013 20:14:33 GMT

Google корпорацияси мусулмонлар учун муборак Рамазон ойида махсус саҳифани http://www.google.com/landing/ramadan/#tab=calendar-week2 ишга туширди. Бу ҳақда компаниянинг расмий блогида хабар берилган.

Саҳифада Каъба жойлашган Макка шаҳридаги ал- Ҳарам масжидидан суткасига 24 соатлик жонли трансляция йўлга қўйилган. Бундан ташқари, унда машҳур ошпазлар билан «видеоучрашувлар»нинг трансляциялари жадвалини ҳам топиш мумкин. Бу ошпазлар рўза вақтида тайёрлаш мумкин бўлган таомлар ҳақида маълумот беришади.

Бундан ташқари, Google Осиёнинг турли мамлакатларида суратга олинган ва махсус лойиҳа муаллифларининг фикрича, оилавий кўриш мумкин бўлган роликларни ва Google+ фойдаланувчиларининг Рамазонга бағишланган постларини таклиф қилади.

Шунингдек, бу саҳифада Яқин Шарқдаги энг оммабоп қидирув сўровлари, Google хариталари (компания бу хариталар ёрдамида дўстлар ва қариндошларникига сафарларни режалаштиришни тавсия қилади) ва яқинлар билан видеоконференциялар ташкил этиш имконини берадиган «видеоучрашувлар» сервисини реклама қилмоқда.

5000 сўмлик купюра: бу ростми ёки ёлғон?

Azizbek — Fri, 21 Jun 2013 13:58:45 GMT

Куни кеча интернетдаги ижтимоий тармоқларда 5000 сўмлик купюранинг расми тарқалди. Ундаги маълумотларга кўра, 2013 йилнинг 1 июлидан бошлаб, Ўзбекистоннинг барча банкларида янги - 5000 сўмлик купюралар муомалага чиқарилар экан.

Жумладан, Фейсбук тармоғида иш жойини Ташқи иқтисодий алоқалар, инвестициялар ва савдо вазирлиги қилиб кўрсатган Нурзод Нуралиевич исмли фойдаланувчи ўз саҳифасига ана шу купюранинг расмини ҳам жойлаштирган. "СКОРО !!! Во всех Банках Республики!!!" деб, ёзади Нурзод ушбу расмга илова қилган сарлавҳада.

Бу хабар тармоқ ўқувчилари орасида катта қизиқиш уйғотди ва улар бунга ўз муносабатларини билдирдилар. Ўқувчилардан бири, янги сўм купюранинг 1 июлдан чиқишини ёзган бўлса, бошқаси буни аллақачон жорий этиш кераклиги ҳақида бонг урган.

"Даракчи" мазкур масала юзасидан Марказий Банк матбуот хизмати билан боғланиб кўрди. Бизга маълум қилишларича, ҳозирча 5000 сўмлик купюрани муомалага чиқариш ҳақида ҳеч қандай гап-сўз йўқ. Бироқ, кейинроқ мазкур мавзу юзасидан яна қўшимча маълумот олишга келишиб олдик. Демак, бизни кузатишда давом этинг, тез орада бу ҳақда банк мутасаддиларидан батафсил маълумот олишга умид қиламиз.

"Ўзбекнаво" бир нечта хонандаларни қўшиқ айтиш ҳуқуқидан маҳрум қилди ↓

Azizbek — Fri, 21 Jun 2013 13:38:45 GMT

Миллий эстрада санъатини ривожлантириш ва мувофиқлаштириш Кенгашининг 2013 йил 23 март куни ўтказилган “Ўзбек эстрада санъатининг ривожланиш жараёнлари ҳақида”ги 2-сон йиғилишида ҳозирги кунда Ҳукуматимиз томонидан эстрада санъати соҳасида фаолият юритаётган ижодкорлар учун барча зарур шарт-шароитлар яратиб берилган бўлиб, кўпгина эстрада хонандалари бундай имкониятлардан тўғри фойдаланиш ўрнига уни суиистеъмол қилишаётганлиги, ёш хонандалар ва айниқса, унвон олган хонандаларда талабчанлик йўқолиб, ҳотиржамликка, ўзибўларчиликка берилишаётганлиги, аксар холларда хонандаларининг репертуаридан ўрин олган қўшиқлар мазмунан саёзлиги, бадиий жиҳатдан бўшлиги, мусиқаси ва ижро маҳорати талаб даражасида эмаслиги, хонандалар асосан тўй- ҳашамлар билан банд бўлиб, янги ижод намуналари яратишга етарли эътибор қаратмаётганлиги, шунингдек, миллий-маънавий қадриятларимизга, одоб-аҳлоқ меъёрларига ва менталитетимизга зид бўлган қўшиқлар яратилиб, эфирга узатилаётганлиги кескин танқид қилинган эди. Мазкур йиғилишда берилган вазифаларнинг ижроси мониторинг қилинганда бир қатор хонандалар ўз вақтида янги асарлар тақдим этганлиги ва аксинча, баъзи хонандалар қарор ижросини таъминламаганлиги, бу орқали эса Лицензия талаблари ва шартларини бузганлиги аниқланди. Шу билан бирга, Ўзбекистон Республикаси Президентининг 2013 йил 12 июнь “Ўзбекистон Республикаси давлат мустақиллигининг йигирма икки йиллик байрамига тайёргарлик кўриш ва уни ўтказиш тўғрисида”ги ПҚ-1984-сон Қарори мазмун-моҳиятини тўлиқ англаб етмай, байрам тантаналари учун янги қўшиқ тайёрлаш борасида
жиддий камчиликка йўл қўйган бир қатор эстрада хонандаларига берилган лицензиянинг амал қилишини тугатиш ҳамда баъзи хонандаларни огоҳлантириш мақсадида “Фаолиятнинг айрим турларини лицензиялаш тўғрисида”ги Ўзбекистон Республикаси Қонунининг 22-24-моддалари ҳамда Ўзбекистон Республикаси Вазирлар Маҳкамасининг 2003 йил 11 ноябрдаги 498-сон Қарорининг 1-иловаси 35-бандига асосланиб, жорий йилнинг 18 июнь куни Бирлашманинг МР-11/1-сон буйруғи қабул қилинди.

Мазкур буйруққа асосан: Ўзбекистонда хизмат кўрсатган артист Дилфуза Раҳимова, “Ниҳол” мукофоти совриндори Отабек Муталхўжаев, хонанда Дилшод Раҳмонов, “Уммон” ва “Манго” гуруҳлари хонандаларининг лицензиялари амал қилиш муддати тугатилди; Ўзбекистонда хизмат кўрсатган артистлар Иззатилла Ибрагимов, Собиржон Мўминов, Алишер Турдиев, Равшан Комилов, Тоир Қўзиев, “Ниҳол” мукофоти совриндори Ҳулкар Абдуллаева ва хонанда Фарҳод Саидов қаттиқ огоҳлантирилди ҳамда уларга мавжуд камчиликларни бартараф этиш учун 1 июлга қадар муддат берилди. “Ватанни мадҳ этиш, тупроғини кўзимизга тўтиё айлаб, унинг халқини, бахтини куйлаш бурчимиз эканлигини асло унутмайлик!” – дейди [b]“Ўзбекнаво” ходимлари

Расман. Бу йил 5000 дан зиёд ўзбекистонлик Ҳаж зиёратига боради

Azizbek — Sat, 15 Jun 2013 22:40:14 GMT

$IMAGE1$Жорий йилда Ўзбекистондан 5 000 дан зиёд зиёратчилар Ҳаж сафарини амалга оширадилар.
Бу ҳақда Дин ишлари бўйича қўмита матбуот хизмати хабар берган.

"Жорий йилнинг 7 июнь куни «12uz.com» Ахборот порталида "Бу йил Ўзбекистон ҳожилари учун ажратилган ўринлар 20 % га қисқарилиши
эҳтимоли бор” номи остида хабар тарқатилди. Мазкур хабар бошқа интернет сайтларига таянган ҳолда тайёрланган", деб ёзади қўмита сайти.

- Унда айтилишича, яқинда Қирғизистон
мусулмонлари диний идораси Саудия Арабистонидан, бу йилги қирғиз ҳожилари учун ажратилган квота, бошқа давлатлар сингари, Жидда ва Мадина шаҳарларидаги аэропортларда реконструкция ишлари жараёни туфайли 20 % га қисқартирилиши тўғрисида расмий хат олган.

Шу муносабат билан Дин ишлари бўйича қўмита
расмий равишда, бу каби мазмундаги хат Ўзбекистонга келмагани, жорий йил "Ҳаж-2013” мавсуми 5 000 дан зиёд зиёратчиларимиз ҳаж сафарини амалга оширишлари учун тайёргарлик, Ўзбекистон Ҳаж делегацияси ва Саудия Арабистони Ҳаж вазирлиги ва бошқа тегишли ташкилот ва идоралар ўртасида имзоланган келишув ва шартнома асосида белгиланган тартибда давом этаётганини эълон қилади. Айни кунларда "Ҳаж-2013” мавсуми учун белгиланган тўловлар амалга оширилмоқда.

GM Uzbekistan конвейеридан 2 000 000 - автомобиль чиқади

Azizbek — Thu, 13 Jun 2013 18:49:13 GMT

Бир неча ҳафтада Асакадаги GM Uzbekistan конвейеридан 2 млн автомобиль чиқади, бу хақда Uzbekistan Today нашри хабар беради.

Компания айни дамда ишлаб чиқариш қувватини ривожлантириш ҳисобига маҳсулот ҳажмини оширишда давом этмоқда.

Айни дамда GM Uzbekistan ЁАЖда Chevrolet бренди остида Matiz, Spark, Damas, Nexia, Cobalt ва Lacetti русумидаги енгил автомобиллар ишлаб чиқарилмоқда.

Ишлаб чиқариш ISO 9001:2000, ISO/FDIS 14001:2004, OHSAS 18001:1999, ISO 14001:2004, OHSAS 18001:2007, ISO 9001:2008 халқаро стандартларига жавоб беради.

GM Uzbekistan доимий равишда ишлаб чиқариш ҳажмини ошириб бормоқда. Агар 2010 йилда 217 мингта автомашина ишлаб чиқарилган бўлса, ўтган йили бу кўрсаткич 222 минг автодан ошиб кетди. Кўрсаткичнинг ўсишига ишлаб чиқаришнинг Асакадан бошқа ерларда ҳам ривожланиши сабаб бўлмоқда.

Иккинчи ишлаб чиқариш базаси Тошкентда жойлашган. Бу ерда Malibu ва Captiva чиқади. Ҳозирда учинчи ишлаб чиқариш базаси Хоразм вилоятида ҳам яратиляпти. Бу ерга Асакадан Damas автомобилини ишлаб чиқариш кўчирилади.

2012 йилда GM Uzbekistan 108,5 мингта автомобилни ҳорижда 127,3 мингтани эса ички бозорда сотган.