Ёш, гўзал, мулоҳазали, малоҳатли... Меҳрибон она ва маҳоратли актриса... Умуман, бир аёл таърифида қанча чиройли сўзларни топиб айтиш керак бўлса, буларнинг барчаси актриса Райҳон Уласеновада мужассамдек. У бугунги кунда нафақат бир неча фильмдаги образи билан таниш бўлган, балки, “Илҳом” театри саҳнасидаги ранг- баранг роллари билан ҳам кўпчилик мухлисларга манзур бўлиб келаётган актриса ҳисобланади. Ҳамкасблари орасида ўз ҳурматига эга бўлган актриса, собиқ “Олтин тож” болалар телекўрсатуви бошловчиси Райҳон Уласенова билан бўлган суҳбатимиз “Илҳом” театри залида бўлиб ўтди. — Айни кунларда, саҳнадан бир оз четлашгандексиз... — Театрда янги спектакллар устида иш кетяптию, лекин ҳозирча ўзимни четлаштиришга мажбурман. Чунки бугун, ўз устимда ишлаш баробарида, кўп вақтимни биринчи синфда ўқиётган ўғлимга бағишлаяпман. Шу сабабли, ҳозирча театр репертуаридаги бор спектакллар билан чегараланаяпман. Бундан театрдагилар ҳам хафа бўлишди. Фильмларга келадиган бўлсак, яна бир сериалга таклиф тушди. — Аввалига сизни “Олтин тож” болалар кўрсатуви бошловчиси, сўнг актриса сифатида танидик. Эҳтимол, эндиликда сиздаги хонандалик қиррасини ҳам топармиз? — Мен Тошкент Давлат Санъат институтининг «драма ва кино актёрлиги» бўлимини тамомлаганман. Мана ўн икки йилдирки, театрдаман. Бошловчилик эса менинг хоббим, десам адашмаган бўламан. Хонандаликка келсак, овозим йўқ деб ўйлаб, айта олмайман. Биласизми, театрда ишлайдиган актёрлар серқирра. Улар рақс, овоз ва ижрода ҳам маҳоратли бўлади. Кейин мени мухлислар келажакда хонанда сифатида кўрмаса керак. Аммо, қачондир ўзим учун қўшиқ айтиш ниятим бор. Балки... — Эстрада қўшиқчилигида ўз ўрнини топишга харакат қилаётган синглингиз Ойҳон Ифорзода, телебошловчи укангиз Жаҳонгир Шаҳобиддиновнинг ижодига қандай баҳо берасиз? — Оиламизда, ишга келганда опа-сингиллик, қариндошчилик йиғиштириб қўйилади. Доим ижоддаги хатоларимизни очиқ-ойдин айтишга ҳаракат қиламиз. Чунки бу ижод, санъат, шоу- бизнес. Биз бошқалардан танбеҳ эшитгандан кўра, яхшиси буни уйда муҳокама қилиб, камчиликларимизни тўғирлаб, доим бир- биримизни қўллаб- қувватлаган, маслаҳатлашган ҳолда ижод қилишга ҳаракат қиламиз. Ҳақиқатни айтиш керак, синглим Ойхон Концерваторияда таҳсил олаётганида ижодини бошлаганлиги учун, унга бир оз қийинроқ бўлди. Укам билан ҳам қўшиқлар айтиб кўрди. Эшитсам, қўшиқларида дард йўғ-да (кулади). Кейинчалик синглим, камчиликларини тушуниб етди. Ҳозир эса у, асталик билан ўсяпти, десам адашмайман. Чунки у ҳали изланишларини тўхтатганича йўқ. Укамга эса, жуда яхши баҳо бераман. Ҳаттоки, мен уни бошловчилик йўналишида ўзимга устоз деб биламан. Сабаби, у мен билмаган нарсаларни ўргатган. Ҳар бир камчилигимни тўғирлаб, асосли танқидлар билан тушунтиришга ҳаракат қилади. Нима демоқчи бўлганини, мисоллар билан етказиб беради. Шунинг учун мен укамни ҳам ҳамкасб, ҳам устоз сифатида ҳурмат қиламан. — “Алданган аёл” фильмидаги ролингиз кўпчиликка маъқул бўлди... — Илк бор сценарийни ўғлимга олганимда, бутун вужудимни қўрқув эгаллади. ўқисам даҳшатли сценарий (жилмайиб). Чунки ушбу фильм бўлган воқеага асосланган ҳужжатли фильм сифатида суратга олиниши режалаштирилган экан. Лекин бу халққа яна ҳам яхшироқ етиб бориши учун, бадиий фильм тарзида суратга олишга қарор қилишибди. Сценарийни ўқиганимда ҳайрон бўлганман, ҳақиқатан шунақа аёлларнинг борлигига ишонгим келмаган. Биз актёрлар сценарийдаги воқеани тушуниб, уни томошабинларга етказиб беришда росмана ўша одамлар билан мулоқотда бўлишимиз керак эди. Шунинг учун биз ҳам аёллар қамоқхонасига боришга мажбур бўлдик. У ердаги муҳит жуда ҳам оғирлигидан съёмка бошланмасидан туриб, руҳан эзилдик. Ҳаттоки мана шу муҳит таъсирида рол ўйнаш учун суратга олиш гуруҳидан ташқари, ҳеч ким билан гаплашмаганман. Ойим ҳам кулиб, — Райҳон, чиқ, дугоналаринг билан гаплаш, бўлди суратга олиш жараёни тугади, деб кулардилар (кулади). — Шу фильмни тасвирга олиш жараёнида партнёрингиз Ҳилол Насимов, сизни росманасига дўппослаган экан-а? — Вой гапирманг (жилмайиб). ўша кадрда менинг ортимда турган рус миллатига мансуб қиз оёғимдан тойдириб, тиз чўкдириши керак эди. Кейин Ҳилол аканинг дўппослайдиган саҳнанси бор. ўшанда Ҳилол ака билан тортишув саҳнасида у қиз бизнинг жанжалимизга ҳайрон бўлиб, ўша “туртиш” ҳаракатини унутиб ўқийди. Яна бу вазифа, Ҳилол аканинг зиммасига тушди (кулиб). Биласизми, ўша калтак зарбидан эсанкираб, ерга йиқилганман. Бу фильм премьераси бўлиб ўтганидан сўнг, ўғлим айнан шу саҳна учун Ҳилол акани излаб тўполон қилган. Дадасига ҳам — «Қаёққа қараяпсиз, онамни урган қани ўша одам, топиб берасизлар», деб роса хархаша қилган (кулади). — Сиз, бу вазиятдан қандай чиқиб кетдингиз? — Қасдимни сочимдан олдим (кулади). Чунк
Статистика 
Гл.Администраторов: 3 
Забаненых: 0 
Login: Mehmon
ID: 0
Твой IP:18.117.81.240
Профиль
Читать ЛС ()
