АҚШ осмонида содир этилган терактларга 10 йил бўлди
Роппа-роса 10 йил аввал, 2001 йилнинг 11 сентябрида Нью-Йоркда содир этилган фожеавий террористик ҳаракатни қисқартириб, "9/11” деб ҳам номлашади. Расмий тахминларга кўра, ушбу ҳужум ортида "Ал-Қоида” ташкилоти турган. Бу терактда 2974 киши қурбон бўлган (террористлар бу рўйхатга киритилмаган). Жами самолётлар пассажирлари ва экипаж аъзоларидан 246 нафар, Нью-Йорк Бутунжахон савдо маркази бинолари ва унинг атрофида 2603 нафар, Пентагонда 125 нафар инсон ҳаёт билан видолашган.
Қурбонлар орасида АҚШ фуқароларидан ташқари яна 91 давлат фуқароси, шу жумладан МДҲ дан кетган 96 киши бўлган. 24 инсон бедарак йўқолган ҳисобланади.
ФОЖЕАНИНГ АЯНЧЛИ ОҚИБАТЛАРИ
Ҳужум оқибатида 2 осмонўпар бино, уларнинг атрофидаги иншоотлар, шунингдек, Пентагон биносининг бир қаноти вайрон бўлган.
3000 га яқин инсон оламдан ўтган.
Уолл-Стрит ва яқин атрофдаги ҳудуд кул билан қопланган.
Хукумат муассасалари эвакуация қилинган.
Афғонистонда ҳарбий ҳаракатлар бошлаб юборилган.
Ўша мудҳиш тонгда "Ал-Қоида” гуруҳига тааллуқли деб тахмин қилинувчи 19 нафар террорчи 4 гуруҳга бўлиниб, 4 та пассажир авиалайнерини қўлга олишган.
ВОҚЕАЛАР ТАФСИЛОТИ
Биринчи самолёт. Маҳаллий вақт билан 8:45 да "Боинг -767” (American Airlines Бостон – Лос – Анжелес йўналишидаги 11 - рейс) кўп қаватли "Шимолий минора”га бориб урилган. Самолётда 81 пассажир (булардан 5 нафари террорчилар) ва 11 нафар экипаж аъзоси бўлган.
Самолёт иморатнинг 93-94 қаватлари оралијига урилиши натижасида юзлаб инсон ҳалок бўлган. Аланга олган самолёт ёқилјисининг ҳарорати Цельсий бўйича 1000 даражагача кўтарилган. Аланга шу қадар кучли бўлганки, олов лифт шахтаси орқали пастга уриб юборганда, ҳатто бино фойесидаги (кираверишдаги) одамлар ёниб кетган.
100-дан 107-қаватгача булган мингтача одам ташқарига чиқишга имкон тополмай қолишган. Аланга қамраб олган «Шимолий минора» соат 10:29да қулаб тушган.
Иккинчи самолёт. Маҳаллий вақт билан 9:03да «Боинг-767» (United Airlines Бостон-Лос-Анжелес йўналишидаги 175-рейс) «Жанубий минора»нинг 77-81 қаватлари оралијига урилган. Самолётда 56 пассажир (булардан 5 нафари террорчи) ва 9 экипаж аъзоси бўлган. Соат 9:59да бино аланга остида қулаб тушган.
Учинчи самолёт Маҳаллий вақт билан 9:40да «Боинг 757-200» (American Airlines, Вашингтон Лос-Анжелес йўналишидаги 77-рейс) Пентагонга бориб урилган. 59 пассажир (улардан 5 нафари террорчи), 6 экипаж аъзоси, бино ичидаги 125 ҳарбий хизматчи ва фуқаролар- жами 184 нафар инсон ҳаёт билан видолашган.
Тўртинчи самолёт. «Боинг-757» (United Airlines, Нью-Йорк – Сан-Франциско йўналишидаги 93-рейс) Питтсбургдан 125 километр жануби-шарқда, Пенсильвания ўрмонларида ҳалокатга учраган. Самолётда 37 пассажир (шу жумладан, 4 террорчи) ва 7 экипаж аъзоси бўлган. «Қора қути»даги маълумотлар ҳамда экипаж, пассажирларининг ердагилар билан бојланган пайтдаги сўзларига кўра, террорчилар самолётни қўлга олганда, одамлар қаршилик кўрсатиб, учувчилар кабинасига киришга уринишган. Оқибатда самолёт пастга қулаган.
Сирли рақамларми ёки тасодиф?!
Asian Age газетаси нумерология (рақамшунослик) соҳасида фаолият юритувчи ҳинд мутахассисларининг АҚШда содир этилган терактларга оид қизиқарли кузатувларини чоп этди. Мазкур мутахассислар фикрига кўра, фожиага мудҳиш 11 рақами сабаб бўлган.
Рақамшунослар 11 сентябрь санаси йилнинг 254-куни эканига эътибор беришган. Агар ушбу рақамлар қўшиб чиқилса, 11 рақами келиб чиқади (2+5+4=11). Фожиадан сўнг йил тугашига 111 кун қолган. Мудҳиш сананинг ўзидан ҳам (тўққизинчи ойнинг ўн биринчи куни) яна 11 рақами чиқаяпти (9+1+1=11)
Дарвоқе, нумерологлар минорага урилган биринчи самолёт 11-рейс билан парвоз қилганига ҳам аҳамият беришган. Бу самолётда 92 пассажир (9+2=11) учганига нима дейсиз?!
77-рейс билан ҳавога кўтарилган самолётда жами 65 (6+5=11) пассажир бўлган.
Фожиа Нью-Йоркда содир бўлган. Шаҳар номи инглиз тили транскрипциясида айнан 11 та ҳарфдан иборат. Ва, ниҳоят, Бутунжаҳон савдо маркази миноралари жойлашган Манхэттен ороли Генри Гудзон томонидан 1609 йилнинг 11 сентябрида кашф этилган. Тасодиф бўлса, шунчалик бўлар-да…
Статистика 
Гл.Администраторов: 3 
Забаненых: 0 
Login: Mehmon
ID: 0
Твой IP:3.147.103.202
Профиль
Читать ЛС ()
