 |
Опрос |
 |
Eng extirosli xonanda
Всего ответов: 118
|
|
 |
|
|
Статистика |
|
|
 Статистика Всего: 9159 За месяц: 0 За неделю: 0 Вчера: 0 Сегодня: 0 Из них  Гл.Администраторов: 3 Администраторов: 1 Гл.Модераторов: 1 Модераторов: 0 Дизайнеров: 1 Журналистов: 1 V.I.P: Постоянных: 2 Проверенных: 104  Забаненых: 0 Обычных юзеров: 9047 Из них Парней: 9065 Девушек: 81 | Счетчики | 
| | Онлайн лист | |
Пользователи отсутствуют...
| | Cегодня нас посетили | | |
|
|
|
|
 | |  | | Bosh sahifa » 2012 » Fevral » 22 » Ўзбекистон Олимпиятерма жамоаси Ироққа мағлуб бўлди
23:13 Ўзбекистон Олимпиятерма жамоаси Ироққа мағлуб бўлди |
2012 йилги Лондон Олимпиадаси йўлланмаси учун асосий даъвогар бўлган Ўзбекистон олимпия терма жамоаси ва ушбу мусобақага бориш имконияти қолмаган Ироқ олимпия терма жамоалари ўртасидаги баҳс 2:1 ҳисобида майдон эгалари ғалабаси билан якунига етди.
Ушбу учрашувда олимпия термажамоасининг бир қатор етакчи футболчилари майдонга туша олишмади. Хусусан, ҳимоячи Акбар Исматуллаев ўйни арафасида ташкил этилган машғулотлар вақтида жароҳат олган бўлса, қанот ярим ҳимоячиси Жасур Ҳасанов бунгача Ўзбекистон – Ироқ (2:0) ва Ўзбекистон – Австралия (2:0) учрашувларида сариқ карточка олгани учун, Ироққа қарши жавоб учрашувини ўтказиб юбориши керак эди.
Шунга қарамай учрашувнинг биринчи бўлимида ташаббус деярли Ўзбекистон олимпия терма жамоаси тарафида бўлди ва бунинг самараси ўлароқ Абрамов шогирдлари 24-дақиқага келиб ҳисобни очишга муваффақ бўлишди. Навбатдаги бурчак тўпидан сўнг тўп Фозил Мусаевга келиб тушди, аммо "Насаф" ярим ҳимоячиси тўпни ироқлик ҳимоячиларга олдириб қўйди. Ўз навбатида, рақиб ҳимоячилари ўртасида ўзаро тушунмовчилик юзага келди — Мусаев тезда вазиятни ўз қўлигаолиб, қаровсиз қолган тўпни Жалол Ҳасан Ҳошим дарвозасига тўғрилаб қўйди.
Қайд этиш жоиз, бунгача Иван Нагаев 20-дақиқада Ироқ дарвозасини ишғол қилганди, аммо учрашув бош ҳаками хитойлик Тан Хай "Динамо" ҳужумчиси бу вазиятда ўйинданташқари ҳолатда қолиб кетганини қайд этганди.
Олимпиячилар биринчи бўлимда ҳисобдаги устунликни сақлаб қола олишмади. Таймдаги тўхталишлар учун ҳакам томонидан қўшиб берилган дақиқаларда "Бухоро" ҳимоячиси Бобуржон Омонов, дастлаб, рақиб футболчисига нисбатан қўпол ҳаракат қилганиучун сариқ карточка билан жазоланди. Орадан ҳеч қанча ўтмай эса, Омонов жарима майдончаси ичида Ироқ олимпия терма жамоаси ва Даниянинг "Оребро" клуби ҳужумчиси Аҳмад Ёсинни қўполлик билан тўхтатиб қолгани учун, Ўзбекистон дарвозасига пенальти белгиланди.
11 метрлик жарима тўпини Муҳаммад Саъд Абдуллоҳ аниқ амалга ошириб, нафақат ҳисобдаги мувозанатни тиклади, шу билан бирга, Ўзбекистон олимпия терма жамоаси дарвозабони Санжар Қувватовнинг 585 дақиқалик қуруқ сериясини тўхтатди. Гап шундаки, "Машъал" посбони Олимпиада-2012 саралашининг 2 ва 3-саралаш босқичи доирасида шу кунгача ўтказилган жами олти учрашувдан бери ўз дарвозаси даҳлсизлигини сақлаб келаётганди.
Учрашувнинг иккинчи бўлимидаасосан тенг кураш борди, аммо ўйиннинг сўнгги дақиқаларида вакилларимиз ҳужумга берилибкетишди. Бундан Ироқ терма жамоаси аъзолари унумли фойдаланиб қолишди. Учрашувнинг 88-дақиқаси ўтиб бораётган бир вақтда, Санжар Қувватов рақиб қарши ҳужумини бартараф этиш мақсадида ўз дарвозасини ташлаб чиқди, аммо тўпни керакли даражада узоқлаштира олмади. Тўп Ироқ терма жамоаси аъзоси Мустафо Аҳмадга келиб тушди ва у узоқ масофадан бўш қолган Ўзбекистон дарвозасини нишонга олди. Бу вазиятда дарвозадан жой олган Ислом Тўхтахўжаев ҳам терма жамоамизни голдан сақлаб қола олмади.
Ушбу натижадан сўнг "В" гуруҳида Ўзбекистон олимпия терма жамоаси 8 очко билан пешқадамлик қилмоқда. Лондон йўлланмасини қўлга киритиш имконияти қолмаган Ироқ термаси ҳисобида эса 4 очко бор. Ўзбекистон олимпия терма жамоасининг энг яқин таъқибчиси ҳамда асосий рақиби БАА термаси ҳисобида ҳам, ҳозирча, 8 очко бор. Олимпиада чиқиш умидини йўқотмаган австралияликлар эса 3 очко билан гуруҳда тўртинчи бўлиб туришибди.
5-тур доирасидаги гуруҳнинг иккинчи учрашуви 22 февраль, чоршанба куни БАА ҳамда Австралия терма жамоалари ўртасида бўлиб ўтади. Жамоалар гуруҳ босқичидаги сўнгги тур учрашувларини 14 март, чоршанба куни ўтказишади. Шу куни Австралия ўз майдонида Ироқ олимпиячиларини қабул қилса, Ўзбекистон олимпия терма жамоаси Тошкентда БАА олимпия термасини қабул қилади, дея хабар беради ЎФФ матбуот хизмати.
Олимпиада-2012 3-саралаш босқичи
"В" гуруҳи, 5-тур учрашуви
ИРОҚ – ЎЗБЕКИСТОН 2:1 (1:1)
Голлар: Муҳаммад Саъд Абдуллоҳ (45+2), Ислом Тўхтахўжаев (88-автогол) — Фозил Мусаев (24).
ИРОҚ: 12. Жалол Ҳасан Ҳошим (с), 3. Али Баҳжат Фозил, 7. Саиф Салмон Ҳошим (11. Аҳмад Жаббор ал-Мажидий, 36), 16. Муҳанад Абдулраҳим Каррар (18. Амир Абдулҳусайн, 66), 6. Исмоил Довуд, 9. Муҳаммад СаъдАбдуллоҳ, 14. Мансур ал-Мунтафиқ (8. Жавод Козим Хантуш, 77), 2. Волид Салим ал-Ламий, 5. Аббос Қосим ал-Каъбий, 10. Аҳмад Ёсин, 15. Мустафо Аҳмад Абдуламир.
ЎЗБЕКИСТОН: 12. Санжар Қувватов, 3. Абдуқаҳҳор Ҳожиакбаров, 4. Салим Мустафоев, 5. Ислом Тўхтахўжаев, 15. Бобуржон Омонов, 7. Ойбек Қиличев, 8. Шерзодбек Каримов, 13. Олег Зотеев (10. Жавлон Иброҳимов, 85), 18. Фозил Мусаев, 9. Кенжа Тўраев (11. Темурхўжа Абдухолиқов, 77), 16. Иван Нагаев (6. Дилшод Раҳматуллаев, 54).
Бош ҳакам: Тан Хай (Хитой).
Манбаа-олам.уз
Расскажи друзьям:
|
Категория: Sport xabarlari |
Ko'rildi: 997 |
Qo'shdi: JanoB-PrikoL
| Reyting: 0.0/0
 |
| |  | |  |
 | |
|
|
|
|
Login: Mehmon
ID: 0
Твой IP:3.148.144.139
Профиль
Читать ЛС ()
