Совуқни сезмайдиган одам
Голландиялик Вим Хоф умуман совуқни сезмайди. Ҳатто энг оғир шароитларда ҳам унинг организми совуқдан азият чекмайди. У яланғоч ҳолда қорли тоғ чўққиларига кўтарилиши ёки узоқ вақт муз ичида ётиши мумкин. Аммо шунда ҳам шифокорлар ўтказган текширувларда унинг организмида ҳеч қанақанги ўзгаришлар юз бермаганлиги маълум бўлади. Олимлар изоҳ тополмай овора, Вим Хоф эса бошқалар учун ҳалокатли вазиятларда ҳеч нарсани сезмаслиги билан одамларни ҳайратга солиш билан банд.

Сувга аллергияси бор қиз
Австралияда яшовчи Эшли Моррис исмли қиз ўта ноёб касалликдан азият чекади – унинг сувга аллергияси бор! Моррис 14 ёшидан бери сувга нисбатан аллергиядан азоб чекади. Шифокорларнинг айтишларича, бечора қиз Aquagenic Urticaria деб аталувчи ўта ноёб хасталикка дучор бўлган экан. Бир тасаввур қилинг-а, у ҳатто терласа ҳам азобда қолади. Инсон покиза юриши учун чўмилиши шарт, бу эса Эшли учун дўзах азобининг ўзгинасидир.

Фақат Tic Tac ейдиган қиз
Йўқ, сиз бу қизнинг томи жойида эмас, деб ўйламанг. Унинг ақли жойида, бу ширинликни ҳам ўз ихтиёрига биноан емайди. Қандайдир тушунтириб бўлмас сабабларга кўра, 17 ёшли Натали Купернинг ошқозони "Tic Tac”дан бошқа нарсани қабул қилмайди. Бошқа ҳар қандай озиқ-овқат унга азоб келтиради ва дарҳол организми томонидан чиқариб юборилади. Умуман олганда, фақат "Tic Tac” билан овқатланиш мумкин эмас, чунки унинг таркибида озуқа моддалари йўқ. Шу сабабли тиббиётчилар қизни махсус найча ёрдамида озиқлантирувчи концентрат билан боқишмоқда.

Ҳиқичоғи тўхтамайдиган мусиқачи
24 ёшга кирган Крис Сандс тинимсиз ҳиқичоқ тутишидан безор. Уни ҳар икки сонияда, ҳатто ухлаётганида ҳам ҳиқичоқ тутади. У кўплаб даволаш курсларидан ўтди, шу жумладан, йога ва гипнозни ҳам қўллаб кўрди. Ўзининг фикрича, ҳиқичоқ тутиши ошқозон клапани фаолиятининг бузилиши туфайли юз бермоқда, аммо бунинг сабабини тополмай тиббиётчиларнинг боши қотган ва айни вақтда Криснинг организмини чуқур таҳлил қилмоқдалар.

Кулганида хушидан кетадиган қиз
Кей Андервуд нафақат кулганида, балки ғазабланганида, қўрққанида, ҳайратланганида ҳам ҳушидан кетаверади. Умуман олганда, ҳар қандай зиқлик ҳолати уни ҳушидан айиради. Булардан ташқари, у яна нарколепсия, яъни кутилмаган вақтда ухлаб қолишдек кам учрайдиган касалликдан азият чекади. Кей исталган вақтда, ҳар қандай жойда ухлаб қолиши мумкин. Биргина Буюк Британиянинг ўзида 30 минг нафардан ошиқ одам нарколепсиядан азият чекади.

Ҳеч нарсани унутмайдиган аёл
Лос-Анжелесда яшовчи Жилл Прайс ҳеч қачон ҳеч нарсани унутмайди. Бундай қобилиятли одамлар оз бўлса-да, учраб туради, аммо Жиллнинг хотираси ўта кучли. Калифорния университети олимлари бундай ҳолат учун масус "гипертиместик синдром (hyperthymestic syndrome, яъни, юнонча thymesis – "хотира” ва "ҳаддан ортиқ” маъносини билдирувчи «гипер» қўшимчаси) атамасини ўйлаб топишди. Айтайлик, ундан 1978 йил апрелида нима иш қилганини сўрасангиз, у худди беш дақиқа олдин юз берган воқеани айтаётгандек икир-чикирлари билан батафсил сўзлаб беради. У ҳамма нарсани эсида сақлаб қолади.
Хуршид тайёрлади.