ЮНИСЕФ маълумотига кўра, сўнгги 20 йил ичида дунё бўйича 5 ёшгача бўлган болалар ўлими бирмунча камайган. 1990 йилдаги ҳолат билан қиёслаганда ҳозирга келиб 5 ёшгача бўлган болалар ўлими 4 миллионтага камайган. ЮНИСЕФ ҳамда Save the Children (Болаларни асранг) ташкилоти ўтказган тадқиқиотда аниқланишича, сўнгги йилларда болаларнинг овқатланиши яхшиланган ва уларнинг мактабга бориш имконияти ортган. Бу борадаги сезиларли ўзгаришлар, айниқса, Бангладеш, Бразилия ва Вьетнамда қайд этилган. Ижобий ўзгаришлар ривожланаётган давлатларга ёрдам, иқтисодий ўсиш ва болаларга нисбатан давлат сиёсатининг яхшилангани самараси экани айтилмоқда.