Ajoyib bo’lgan intervyu jarayonidagi qiziqarli savol-javoblar yozma tarzda e’tiboringizga havola qilinadi…
San’atga bo’lgan qiziqishingizni necha yoshda o’zingizda sezgansiz ?
Bog’chaga borgan paytimdan. 3-4 yosharlik paytimda bo’lsa kerak. Bunga misol qilib shuni aytishim mumkinki, hozirgi paytda "BEMOR” ashullayiz bilan o’g’lim uxlayapti yoki bo’lamasam shu ashullayizni eshitsa boshini qimirlatadi degan gaplani eshitgandan keyin bilasizki, o’sha 4-5 yosharli bola shuni bilyapti. Menda ham yoshlik davrdan bolalikdan qiziqish bo’lgan.
Kasbdoshlaringiz, do’stlaringiz bir so’z bilan aytganda, estradamiz vakillaridan kimlarning ijodlari sizga manzur?
Hammaning ijodini o’zimga birdek qabul qilaman, ajratmiman. Ijodlarini kuzatib turadiganlarim Shohruxxon, Afruz, hozirda yaxshi ijod qilayotgan Amira Alibekova va o’zgacha bir yo’nalishda kirib kelgan Munisa Rizayeva.
Bazibir insonlar borki kimlargadir o’xshashni xoxlaydi yani o’sha insonga taqlid qiladi. Sir bo’lmasam siz ham kimgadir taqlid qilasizmi? Masalan: kuylash borasidami yoki bo’lmasam ko’rinish jihatidanmi?
Hozirgi kunda yo’q. Endi aynan ko’rinish jihatidan hech kimga taqlid qilmayman, ijod sifatida hafasim kelib, hurmat qilib, o’shani yo’lini bersin diydiganlarim bor masalan, bu BOLALAR guruhi, G’ulomjon Yoqubov, ustoz san’atkor sifatida juda ham bir o’zlarining yo’llariga ega bo’lgan Ozodbek Nazarbekovning ijodlarini, tarbiyaviy jihatlarini hurmat qilaman, shu taraflama taqlid qilib olsak arzigulik tomonlari bor.
Endi aynan shu savolimizga teskari bo’lgan savol: ya’ni sizga taqlid qilishsa, bunga qanday qaraysiz?
Masalan SHERZOD BIN…!
Sherzodni ilk marotaba katta sahnaga o’zimning kansertimda olib chiqqanman boisi juda ham bir istedodli ijodkor deb bilganim uchun ham. Men hali uni sahnaga yaxshi bolaligi uchunmaz, shu bolaning san’ati borligi uchun unga ishondim va sahnaga olib chiqdim ham foydalandim. Sherzodni men kuchli aktyor deb bilaman va hozirgi paytda yoshlarni ichida ko’zga ko’rinib qolgan aktyorlardan bittasi, parodist aktyor sifatida sababi parodya san’ati juda ham qiyin hammaning ham qo’lidan kelavermaydi va hozirgi kunda parodist sifatida bitta bo’lib qoldi. Parodya san’ati bo’yicha hozir qattiq ushlab kelayotgan SHERZOD.
Siz san’atga joriy nuqta-i nazar bilan yondashasizmi yoki san’atkorona nuqta-i nazar bilanmi?
(Birooooz o’ylanib). Yuqorida aytib o’tkanimdek san’atga bo’lgan ishtiyoq menda yoshligimdan bo’lgan va hozirgi kunda hayotimning bir katta bo’lagi desam ham bo’ladi. Men bu narsaga shunchaki qiziqib qolganligim bois yoki bir vaqtimdan tashqari qiladigan ishim deb qaramayman, bu meni ishim. Aksincha san’atdan bo’sh vaqtlarimda boshqa ishlarni qilaman.
Ya’ni ikkita yo’l ham san’at, ham hayot?
Albatta! Hayotimni san’atimsiz tasavvur eta olmayman. Endi yuqorida aytib o’tkaningizdek joriy nuqta-i nazar bilan savolizga yondashadigan bo’lsam, Toshkent Davlat Sharqshunoslik institutini bitirganman. Agar bu meni bitta qanotim bo’lsa, san’at meni bitta qanotim deb o’ylayman. Qush ikkita qanotda uchadi!
Ijodizdan kelib chiqqan holatda savol bersak, agarda vaqtni orqaga qaytarish imkoni bo’lganida qaysi bir taronangizni qaytadan kuylamagan bo’lar edingiz?
Bor, faqat aytolmayman qaysi birligini, u duet tarona!
Ya’ni sir?
Shunaqa, lekin shu narsani aytib o’tishim mumkin u tarona juda ham eski duet tarona. Shuni qaytadan kuylamagan bo’lar edim.
Taronani birgalikda kuylagan duetdoshiz ham sirmi yoki…..?
Albatta, u ijodkor ham sir.
San’atga qiziqishingiz borligiga ota-onangizning qarshiliklari bo’lmaganmi? Ular qanday qarashgan?
Juda ham yaxshi qarashgan. Bazi hollarda juda ham xursand bo’laman, shu san’atga kirib kelishiga ko’pchilik insonlarning ota-onasi qarshilik bildirishadi, lekin meni boshidanoq qo’llab quvatlashgan va bizani oilada har doim farzandlani qiziqqan narsasiga qo’llab quvvatlash tushunchasi yaxshi bo’lgan.
Estradamizning ajoyib bo’lgan ijodkorlaridan biri Sardor Rahimxon bilan qanaqib tanishgansiz va do’st bo’lgansiz? Albatta bu muxlislarga qiziq!
Oddiy konsertlardan birida suhbatlashganmiz, u paytda Sardor radioda boshlovchilik qilar edi, men qo’shiq aytardim qo’shig’im Sardorga yoqqan, efirlarda eshittirib qo’yib borardi va shu bois munosabatlarimiz tiklangan. Ya’ni davom etgan.
Sizning muxlislaringiz hali tinglamagan qo’shiqlari bormi?
Bor. Xudo xoxlasa shu yili konsert dasturimda eshitishadi va shu konsert dasturimda 4-albomdagi yangi qo’shiqlarni eshitishadi. Men ishongan qo’shiqlarim ko’p, muxlislar eshitmagan qo’shiqlar soni albomimda bor va hozirda o’shala tayyorlanyapti. Mag’zun yo’nalishda "ONA” haqida keyin "VATAN” haqida qo’shiqlar bor hech kim hali eshitmagan.
Konsert dasturingizni qachon qo’yishni rejalashtirmoqdasiz?
Kuzda xudo xoxlasa.
Shu bilan bog’liq yana bir savol. Konsert dasturini, o’zi nima uchun zarur deb o’ylaysiz?
Birinchidan muxlislar bilan diydor ko’rishadigan bir kecha hisoblanadi, qolaversa qilgan mehnatlaringni ko’rsatadigan va yangiliklaringni taqdim etadigan bir katta imkonyat, shuningdek konsert dasturiga muxlisla tushgisi keladi va muxlisla uchun bu juda ham qiziq deb o’ylayman.(Haligi moshina benzinsiz yurolmagandek) san’atkor uchun ham konsert kerak deb o’ylayman. Bular bir biriga bog’liq bo’lgan narsa lekin men konsertni soni uchun yoki hisobotda bo’lish kerakligi uchun bermayman. Har doim zo’r konsert berishga harakat qilaman shuning uchun ham konsert berishga unaqa shoshilmayman va har ikki yilda konsert beraman.
Aynan san’atdan eng katta topgan boyligingiz?
Insonlar bilan munosabat, momila qilish.
Ya’ni bir so’z bilan aytganda MUXLISLAR?
Albatta.
Sizningcha e’tiborga molik fazilatingiz?
Endi men o’zimning fazilatimni gapirsam u noto’g’ri bo’ladi. Buni muxlislar baholashsin.
Shu kungacha qanday orzularga erishgansiz?
Erisha olmadim desam noto’g’ri bo’ladi xudoga shukur erishdim va erishib kelyapman. Sal sekinroqdir, balkim kimnandir keyinroqdir lekin hamma maqsadlarimga erishib kelyapman. Shu men uchun katta baxt, bitta san’atkor orzu qiladigan hamma narsaga xudoga shukur erishyapman. Konsertlar, gastrollar, kliplar shular jumlasidandir. Kimdir zo’r chiqibdi qo’shig’iz desa bu san’atkor uchun katta orzu va baxt.
Yana qanday qo’shimcha qobilyatlarga ega bo’lishni xoxlardingiz?
Qushga o’xshab uchishni xoxlardim (kuladi). Endi qo’shimcha qobilyatga ega bo’lish to’g’risida, fudbolni juda ham yaxshi ko’raman ja unaqa o’ynolmasam ham lekin harakat qilaman va zo’r fudbol o’ynashni xoxlardim. Shu faqat gol ursam bo’ldi
Kuni kecha fudbol bo’yicha o’tqazilgan marafonda ham ishtirok etdim va u yerda kapitan kamanda bo’ldik lekin afsuski bizdan omad yuz o’girdi va bizning kamanda yutqazdi. Mayli o’ylaymanki marafon har yilgi odatiy tusga aylanadi va keyingi yili albatta yutamiz.
Endi eng buyuk va sof tuyg’u "MUHABBAT”haqida ham ozgina dillashsak?
Muhabbat bu xudo tarafidan beriladigan bir tuyg’u deb o’ylayman, o’zimizcha voy muhabbat yaxshi ko’rib qolganman, sevib qolganman deb yurishimiz mumkin aslida biz uni nimaligini tushunmasligimiz mumkin. Bu muhabbat shunaqa narsaki haqqoniy yolg’ontakasimmaz bir birini tushunib qurilgan muhabbat haqiqiy muhabbat deb o’ylayman. Eng kerakligi odam bir birini hurmat qilsa, aldamasa xudo o’z o’zidan muhabbatni berib qo’yadiki o’sha chin muhabbat bo’ladi. Men uchun haqiqiy narsa bu MUHABBAT! Manfaat kutilmasdan turib, qilingan narsa bu haqiqiy muhabbat deb o’ylayman.
O’zingizning ijodingizdaki eng yoqtirgan qo’shig’ingiz?
Endi alohida ajratib biri yomon biri yaxshi dimimanku, lekin "Kapalak” qo’shig’im boshqacharoq deb o’ylayman. Chunki kapalak bilan bog’liq bo’lgan qiziqarli voqealarim bor hayotimda, kapalak men uchun alohida ahamyatga ega bo’lgan tarona.
Sizga qaratilgan keyingi savolimiz. Misol uchun mashinangizni boshqarib ketayotgan paytingizda radiodan bir ajoyib tarzda kuylangan taronani eshitib qoldingiz? Shu paytda hayolingizning bir chekkasidan fikr o’tadimi shu ashulani men kuylasam bo’lar ekan deya?
Bo’ladi albatta, masalan bo’lgani uchun ham 1-2 ta qo’shiqlarni olib ijro etdim. O’zimga yoqqan biror bir taronani olib kuylashdan men hecham uyalmiman u kimniki bo’lishidan qati nazar. Egasidan borib so’riman bu uchun imkonyatlarim ham bor. Undan oldin men bitta narsadan xursand bo’laman kimdir yaxshi qo’shiq chiqarsa, o’sha chiqargan qo’shig’ini eshitib xursand bo’laman va qoyil qolaman mazza qilib eshitib yuraman, shartmaz unikini olib aytib yurishim, unikini eshitib u bilan birga qo’shilib hirgoya qilaman.
O’z o’rnida yana bir savol yaqinda premyera bo’lgan "Qizlar ismi” deb nomlangan qo’shig’ingizning tarixiga bir nazar solsak?
Muxlisa qizlarimizdan taklif tushdi: meni ismim Nigora, Shahnoza, Gulnoza va hokazo, xullas meni ismimga atab qo’shiq ayting deya. Shunda men dunyoga mashhur qo’shiqlardan birini remix qilib kuyladim va bu qo’shiq aynan shu mavzuga to’g’ri keldi nomini esa "Qizlar ismi” deya nomladim. Albatta bu qo’shiq meniki emas faqatgina oranjirovkalar bilan boyitdik va imenno o’zbek qizlariga sovg’a sifatida ijro etdim xolos.
Hobbingiz?
Hozirgi paytda yaxshi kino ko’rish. Hozirgi paytda deganimning sababi mening hobbilarim vaqti vaqti bilan o’zgarib turadi. Bir payt bo’lgan bosh kiyim yig’ish hobbim bo’lgan har xil kepkalar, kiponlarni yaxshi ko’rardim lekin hozirgi paytda yaxshi kinolarni olib yig’ishni yaxshi ko’raman.
Qaysi sport turi bilan shug’ullanasiz?
Fudbol o’ynab turaman, og’ir atlektika turi bilan qo’ldan kelganicha azgincha shug’ullanib turaman. Badan tarbiya sifatida.
Hayotda nimadan qo’rqasiz?
(Birooooooz sukut saqlab). Yaqinlarimni yo’qotib qo’yishdan qo’rqaman, kechirib bo’lmas xato qilib qo’yishdan qo’rqaman va o’z manfaatim bilan bog’liq bo’lgan biror bir imkonyat bo’lganida o’z manfaatim bilan bog’liq bo’lgan bir ish qilishdan qo’rqaman. Shu ishni qilmayman xudo xoxlasa hech qachon.
Bundan bir necha kun avval "Grand” radiosida S.Rahimxon va boshlovchi Ibrohim Axmedov bilan bo’lgan birgalikdagi efirda, ular qo’ng’iroq qilib siz bilan bog’lanishgan edi va suhbat jarayonida sizdan Malayziya ta’surotlari haqida so’rashgan edi. Bizga ham bu borada qisqacha gapirib bersangiz?
Malayziya mening azaliy orzularimdan biri bo’lgan. Orollarini borib ko’rgim kelar edi, xudoga shukur mana san’at orqali borib keldim, qilgan mehnatlarim orqali shunaqa joylani ko’rib keldim, nafaqat ko’rib balkim o’sha yerda ijodiy ish ham qilib keldim, oxirgi "Layloyimsan” klipida suvni oldida turgan joy, hech kim bilmaydi bu "Lankaviy” oroli Malayziyada. Bizaga shu odatiy holga kirib qoldi o’sha chetga borib shiroyli joylarini klipga olib bildirish? Men shuni bildirmaganman. Klipni ko’rgan odamla charvoq deb o’ylashi mumkin yoki bo’lmasam qaysidir ko’l deb o’ylashi mumkin, shuni men sezdirmaganman o’sha yerga borib olib kelingan va juda ham chiroyli borish kerak bo’lgan joy. Borishni tafsiya qilaman.
Qo’shiq kuylash borasida mahoratingiz qay darajada ekanligi barchaga ma’lum, she’riy satrlarni ham shunday maromiga yetqazib ijro eta olasizmi? Masalan yaqin do’stingiz S.Rahimxondek?
Yaqinda men ham "Grand” radiosida mehmon bo’ldim, jonli efir paytida xuddi shu auditoryadagi savol bilan Ibroxim Axmedov menga murojat qildi va qo’shiq boshlanishida bir manalogni aytib berdim, bu esa tinglovchilarni bilmadimu qarshimdagi boshlovchiga juda ham yoqdi va shunaqa sheriy to’plam qilishimni maslahat berdi. Men esa hali beri bu ishga qo’l urmoqchimazman. U sher aytadiganlar boshqa meni ishim qo’shiq kuylash.
Bugungi kundagi maqsad va rejalaringiz?
Eng katta oldinga qo’ygan maqsadlarimdan biri bu konsert dasturi va u bilan bog’liq bo’lgan albom, qo’shni davlatlarga borib ijodiy ishlar qilish, konsertla berish, muxlislar bilan ko’rishish va undan tashqari avgust oyida "Aql va Yurak” filmi muxlislarga havola etiladi va u yerda bosh rolni ijro etganman "Aql” rolini, A.Uzoqov, M.Rizayeva, Zarina Nizamiddinovna va men birgalashib kinoda rol ijro etdik. Juda ham qiziqarli kino bo’ldi, ilgarilarilari ko’p rad javobini berganman, o’ynamaganman va oxiri ko’nglimdagidek rol berishgani bois o’ynadim. Qanchalik va qanaqa chiqdi bu menga qorong’u, muxlisla o’zligi buni ko’rib baho berishlari mumkin. Hozircha rejalada shular.
Siz zapt etgan eng yuqori cho’qqi?
Men hali unaqa cho’qqini zapt etmadim, endi xudo xoxlasa….
Muxlislarga bo’lgan tilaklaringiz?
Muxlislarimiz sog’ bo’sin, xudo xoxlasa ularga atalgan juda ham ko’p sovg’alar bor. Boya aytib o’tganimdek konsert dasturimga tashrif buyurishsin rahmat.
www.samimiyat.com 2012
Suhbat jarayonida: Shahrizod SHOKIROV hamda SHERZOD