Bosh sahifa » 2013»Aprel»24 » Намунали футбол тантанаси! «Бавария» ўз майдонида «Барселона» ни «сочиб» ташлади. Ҳар томонлама
02:04
Намунали футбол тантанаси! «Бавария» ўз майдонида «Барселона» ни «сочиб» ташлади. Ҳар томонлама
Европа Чемпионлар лигасининг ярим финал дастлабки учрашувлари доирасидаги "Бавария" ҳамда "Барселона" клублари ўртасидаги учрашув ниҳоясига етди. Унда 4:0 ҳисоби қайд этилиб, германияликларнинг ғалабаси билан якунланди.
Кутилганидек, ўйин бошиданоқ томонлар шиддатли ҳужумларни амалга ошира бошлашди. Қарши ҳужумларнинг бирида "Бавария" ҳисобни очишга муваффақ бўлди.
25-дақиқада "Барса" жарима майдончасида юзага келган пала-партишликлардан фойдаланган Томас Мюллер боши билан зарба йўллаб, немис клубини олдинга олиб чиқди. Ушбу голдан сўнг "Бавария" янада ҳужумларни кескинлаштирди. Томонлар биринчи бўлимни 1:0 ҳисобида якунлаб, танаффусга чиқиб кетишди.
Иккинчи бўлимда ҳам тезкор ҳужумлар бошланди. Марио Гомес 49-дақиқага келиб, "Бавария"нинг иккинчи голига муаллифлик қилди. Мюллернинг узатмасини супермарио бир метрлар чамаси масофадан чап оёғи билан дарвозани ишғол қилди. Майдон эгалари учинчи тўпни ҳам киритишлари мумкин эди. Аммо, сўнгги вазиятларда Роббен ишонсиз ҳаракат қилди. Гарчи, "Барселона" тўпни керакли даражада олиб юрган бўлсада, мезбонлар дарвозаси томон йўл топа олмади.
Алексис Санчесда бир нечта вазиятлар юзага келганди, у кўнгилдагидек ҳаракат қилмади. 60-дақиқаларда каталонияликлар кўплаб ҳужумларни амалга оширишди. Лекин, дарвоза томон аниқ зарбалар етишмади.
82-дақиқада бўлса, Мюллер "Барса"ни бутунлай "накаут"га учратди, 4:0. Шу тариқа жавоб ўйини олдидан "Бавария" муҳим ғалабани қўлга киритди. "Барселона" учун ЕЧЛ мавсуми деярли ёпилди. Дарвоқе, немис клуби чемпионлик учун сўзсиз асосий даъвогарлардан бири эканлигини амалда исботлай олди. Европа Чемпионлар лигаси, ярим финал "Бавария" Германия - "Барселона" Испания — 4:0
Статистика 
Гл.Администраторов: 3 
Забаненых: 0 
Login: Mehmon
ID: 0
Твой IP:3.137.189.236
Профиль
Читать ЛС ()
