Етти йилдан бери бирга яшаб келаётган Голливуд юлдузлари Анжелина Жоли ва Брэд Питт тўй қилиб, никоҳдан ўтишга қарор қилишди.  
Олти нафар болани тарбия қилаётган жуфтлик расмий никоҳдан ўтишга эндигина вақт топган кўринади. Тўйда келин-куёвнинг болалари ўйна-кулиб юрса, жуда қизиқ бўлса керак…
Хуллас, Жоли ва Питт ўз тўйларини Франциядаги XVI асрда барпо этилган Миравель қасрида ўтказишга қарор қилишди. Қаср эгалари Голливуд юлдузларининг бу ерда никоҳ маросимини ўтказишига розилик берган.
Тантанага 300 нафар меҳмон таклиф этилган. Улар орасида келиннинг отаси – машҳур киноактёр Жон Войт ҳам бор, буни қарангки, Жоли у билан анчадан бери гаплашмас экан. 
Куёвтўра Питт севгилисига ўз эскизига биноан яратилган бриллиант кўзли узук совға қилди.