Кеча Ўзбекистон Республикаси Президентининг «Иккинчи жаҳон уруши қатнашчиларини рағбатлантириш тўғрисида»ги фармони эълон қилинди.    

Австрияда руҳонийлар томонидан жинсий зўрланган жабрдийдаларга маънавий зарар сифатида 10 миллион доллардан ортиқ товон тўланди.   

Етти йилдан бери бирга яшаб келаётган Голливуд юлдузлари Анжелина Жоли ва Брэд Питт тўй қилиб, никоҳдан ўтишга қарор қилишди.  

Ярим кечаси соат 2 да телефон жиринглади:
– Ухлаётувдингми?
– Йўқ, жин урсин! Сени қачон телефон қиларкан, деб кутиб тургандим!!!
* * * 
Болтасини кўтарган жаллод кундага боши қўйилган маҳкумга деди:
– Бошингни қимирлатма, яна қўл-пўлингга тегиб кетмасин.
* * * 
Ҳайвонот боғида:
– Бу Африка фили, буниси эса Ҳиндистон фили.
– Иккисининг нима фарқи бор?
– Жуда катта фарқи бор. Африкалик филнинг исми Бобо, ҳинд филиники эса Рам.

"НАФИС” ШИРИНЛИГИ 
Масаллиқлар: 200 гр сариёғ, 1,5 ст. шакар, 3 та тухум, 1 ст. қатиқ, 1 ош қошиқ истеъмол содаси ва сирка, керагича ун.
Начинкаси учун: 1 ст. ўрик (ёки хоҳишга кўра) мураббоси, 0,5 ст. шакар ва ёнғоқ.
Тайёрланиши: ишни қатиққа сиркада "ўлдирилган” истеъмол содасини солишдан бошлаймиз. Унга тухум ва шакарни солиб, шакар эригунига қадар аралаштирамиз. Алоҳида идишга ун ва сариёғни солиб, уқалаймиз. Сўнг икки идишдаги масаллиқларни бирлаштириб, юмшоқ, лекин қўлга ёпишмайдиган хамир қорамиз. Начинка учун ажратилган барча масаллиқларни бир идишга солиб, бир хил масса ҳосил бўлгунча аралаштирамиз. Хамирни бироз тиндириб, уни ёнғоқдек зувалачаларга бўлиб чиқамиз. Уларни ёйиб, орасига начинкани солиб, ярим ой шаклида ўраймиз. Бундай ширинликни чучвара шаклида ҳам ўрасангиз, у дастурхонингизнинг кўркига айланади. Муҳими, газ печида начинка ташқарига чиқиб кетмаслиги керак. Ширинликни газ патнисига жойлаб, 30-35 дақиқа мобайнида пиширамиз. Бироз совиган ширинликларга қанд упаси сепсангиз, янада мазали бўлади.

Инсон пайдо бўлибдики, аппендицит (кўричак чвалчангсимон ўсимтаси, яъни аппендикснинг яллиғланиши) билан оғрийди. Халқ тилида бу касаллик оддийгина қилиб «кўричак» дейилади. Тиб тарихчилари маълумотларига кўра, XVIII аср­да Англияда Муҳаммад исм­ли жарроҳ кўричакни илк маротаба жарроҳлик йўли билан даволаган. Демак, ўша пайтгача кўричак билан оғриганларнинг аксарияти ўлиб кетган, аммо маълум қисми вужудида иммунобиологик хусусиятларнинг кучлилиги, катта чарвида йирингли жараённи чегаралаш хусусияти мавжудлиги боис бир-икки ҳафта дард билан олишиб, тузалиб кетган. 

МУҲАББАТИМ, КЕТМА…

Туни билан ёғди ёмғир баҳс бойлашиб кўз ёшимга,
Сел ювади ғуборларим, дард қуйилар бардошимга,
Қора тунда қора булут айланади сирдошимга,
Нега сенга кетгин дедим, сен ҳам кетдинг, муҳаббатим.